اخبار النكت

موضوع: اخبار النكت السبت سبتمبر 03, 2011 3:34 pm

نقول إيه : اخبار النكت

*واحد بيقول لصاحبه : انتهت على ايه الخناقة بينك و بين مراتك امبارح؟؟
رد : هه ...دى جت لغاية عندى و ركعت قدامى !!قال له يا سلام و قالت لك ايه ؟
قال له : قالت لى : 'اطلع من تحت السرير يا جبان'

*مرة واحد محشش لقي كنز قال: كويس فاضل الخريطة!!

*مرة اتنين أغبية طالعين رحلة فالسواق نزل استراحة ورجع لقى الفتيس مش
موجود قالهم الفتيس راح فين...قالوله لقينك يا عم طول الطريق عمال تشد فيه
مش عارف تخلعه قولنا نشلهولك

*مرة واحد غبى واقف في الشارع وبيتكلم فى المحمول وعمال يزعق ويقول : بس
دورى تانى...معلش دورى كويس ..واحد معدى فى الشارع سأله : فيه ايه؟؟ راح
واخد المحمول منه وبيسمع .. لقى (الرقم الذى طلبته غير موجود بالخدمة من
فضلك اعد المحاوله)

*مرة واحد غبى ماشى فى الشارع لقى قرد مشي بيه قابل عسكرى مرور سألوا اودى
القرد ده فين العسكرى قال له وديه جنينة الحيوان تانى يوم معدى بالقرد
العسكرى قال له مش قلتلك وديه جنينة الحيوان قال له ما أنا وديته امبارح ،
النهاردة بقى هاوديه السينما

*مره قرية كلها أغبيا كان فيها حفره كل يوم واحد يقع فيها عملوا مجلس
علشان يشوفوا حل للحفره دي قام واحد وقال يا جماعه احنا نحط عربية اسعاف
جنب الحفره علشان المصابين يتنقلوا بسرعه قام التاني قال احنا نبني مستشفى
جنب الحفره علشان يتنقلوا أسرع قام التالت قالهم يا جامعه انتوا مغلبين
نفسكم ليه احنا نردم الحفرة دي ..ونحفر واحدة تانية جنب المستشفى

*واحد راح يشتري عربية .لقى كل العربيات غالية عليه.بعدين لقى عربية قديمة
و عليها تراب كتير بس سعرها مناسب.صاحب المحل قال له العربية دي فيها ميزة
هايلة.بص كدة ..وقام مسح بإيده التراب اللي عليها قام طلع منها عفريت .قال
له :شبيك لبيك تطلب إيه؟ قال له هات شاي للبيه حالاً..في لحظة كانت كباية
الشاي قدام الراجل .قام اشترى العربية فوراً و ساقها و طلع بيها على حتة
أرض فاضية و قام نزل و مسح التراب اللي علي العربية. قام طلع له العفريت.
قاله عايزك تبني لي هنا قصر كبير فيه جنينة و حمام سباحة و ملعب تنس
و..... قام العفريت قال حيلك حيلك إنت فهمت غلط .. أنا شاي و قهوة بس .

*واحد غبي جاله عقد عمل فى الكويت، يوم السفر قاعد فى المطار فالمذيع
الداخلى بيقول : "على ركاب الرحله 770 المتوجهه الى الكويت التواجد بصاله
الدخول"، "النداء الاخير لركاب الرحله 770 المتوجهه الى الكويت التواجد
بصاله الدخول." فموظف المطار بيقوله "رحله الكويت هتطلع يا أستاذ" ، فيرد
عليه ويقوله : "يا عم دول طالعين رحله .. انا طالع شغل."

*واحد غبى قوى حكموا عليه بالاعدام.. بعد ما علقوه فى المشنقه قعد يشاور
ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه....
فبص لهم وقال: ياجزم كنت هتخنق

*مرة ابرتين وقعوا واحده رنت والتانيه بعتت كلمني شكرا

*مستعبط اتجوز مستعبطه خلفوا عيل مستهبل استعبط وعمل ميت استهبلوا ودفنوه

*واحد اتصل بمراته قالها حضري الميه السخنه انا جاي في الطريق صاحبه قاله
دا انت حمش اوى قال طبعا امال يعني هغسل المواعين بميه بارده

*واحد قاعد بيصلي سمع اتنين بيمدحوا صلاته قطع الصلاه وقالهم وصايم كمان

*خبر عاجل انفجار بطيخه في زاويه الثلاجه مما ادي الي مقتل طماطمتين
واصابه 3خيارات بجروح قيل انها خطيره وقد تم نقل الجرحي الي مستشفي اطباق
السلطه وقد اعلنت حركه الفلفل االاخضر مسؤليتها عن الحادث

*مسطول قطع راس اخوه وهو نايم وقعد يضحك ويقول هيتجنن لما يصحي ومايلاقيهاش

*واحد صحي علي صوت صويت فسال فيه ايه قالوله الميه مسممه فمراته صحيت تقولو فيه ايه قالها مفيش اشربي الميه ونامي

*عروسه هبله دخلت الفرح وهي بتجرى سالوها بتجرى ليه قالت عشان احجز كرسي

*عصبي بعت كروت فرح كتب فيها الزفت اللي جاي ميتاخرش واللي مش جاي في
داهيه والكلاب الصغيره تترزع في البيت ماهو الحق مش عليكم الحق عالواطي
اللي عزمكم

*واحد جزمته اتقطعت خيطها وبعد اسبوع لقاها كويسه فك الخياطه

*محشش بيقول لصاحبه انت وشك زى وش الحمار قاله قول ما شاء الله

*يوم المراة العالمى اجتمع 3 ستات واحدة امريكية والتانية فرنسية والتالتة
صعيدية , قالوا لازم نحبب رجالتنا فينا ونعرفهم قيمتنا فاتفقوا محدش فيهم
هيقوم بواجبات البيت لمدة اسبوع ويتقابلوا بعدها يعرفوا النتيجة .
بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
الصعيدية : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية

*ثلاثة تلاميذ محششين تاخروا عن الحصة الاولى قال لهم المدرس كنتوا فين؟
قال الاول ضاع الخاتم بتاعي
ورد التاني كنت بدور معاه
وقال الثالث انا كنت واقف على الخاتم

*مسطول بيقول لصاحبه: يا أخي إمبارح دخلت فلم هندي هايل بتاع راجل وست
ماشيين في الشارع لقوا طفلة مولودة في اللفة خدوها وربوها لغاية ما كبرت
وفي الآخر
طلعت أمهم

*أربعه صعايدة راحو محطة مصر فشافو القطر طلع قعدو يجرو يجرو يجرو لحد لما تلاتة حصلوه وواحد بس ملحقش بس كان بيضحك اوى اوى
سالوه انت ليه بتضحك, قالهم :اصلهم كانوا جايين يوصلونى

*مرة استاذ طرح سؤال على التلاميذ فقال ^حط كلمة Dogفى جملة من عندك^
فقال التلميذ(دوجى يا مزيكا)

*مدرس بيقول لتلميذ : ضع كلمة ناقص فى كلمة
رد التلميذ:ناقص تقولى اعربها

*فرخه انتـحرت وكتبت في وصيتها خلو ماجي ينفعكم

*مره ظابط شرطه قبض علي ارنب ليه؟ علشان ظبتو بياكل حشيش

*واحد اسمه نادر تزوج وحدة اسمها نادرة جابو ولد سموه مهدد بالانقراض

أنتظروا الباقى >>>>>>للمزيد من مواضيعي

» : كود اخبار الجزيرة
» حصريا // رئيس امتحانات الثانويه العامه وكلام مهم جدا عن اخبار النتيجه
» طريقة جديدة لمعرفه كل اخبار الكول تون موبينيل 2011 من ميدو مانشستر
» ما يحدث فى سينا و اسباب رفع الجيش حاله الاستعداد وحادث ايلات " اخر اخبار مصر " الحياه اليوم 19/8/2011
» اخبار الحياه اليوم سائقى التوك توك يستولون على 17 عماره فى 6 اكتوبر ونفى شائعات وفاة الرئيس السابق مبارك