ليــــــــ؟؟؟ــــــــــه !!!

مش لازم في الحياة أي جرح يبقى نهايتو الم ودموع
ولا لازم كل جمع وطرح في الحياة دي ليها مجموع
مش لازم بعد أي فراق نقول خلاص مفيش رجوع
ليه بنحط نهاية لكل حاجة وكأننا بنكتب موضوع

ليه بنختار ونقرر عن غيرنا ما نسيب كل واحد يقرر
ليه قبل ما نختار مصيرنا مبنستناش شوي ونفكر
ليه بنغلط وبنبقى عارفين ونسيب الغلط يتكرر
ليه مفيش ولا رد على أي سؤال والعقل بضيع ويتحير

ليه بقى مكتوب علينا ننهي احلامنا بإيدينا
ليه انكتب علينا نعيش في دنيا متخلقتش لينا
ليه كل اللي حبيناهم اتحرمت تشوفهم عنينا
ليه بنعيش على ذكريات بتخلينا نحن لماضينا

و يا الف ليه وليه ليه مفيش رد عليكي
وبد ده كلو يا دنيا ايه هو اللي حلو فيكي
اسئله ملهاش اجوبة اتدفنت وضاعت في ماضيكي
بس بترجع تحيا تاني وتعذب اللي عاشوا فيكي